Ychydig o gyngor cyn i chi fynd…

• Paciwch y pecyn a argymhellwyd. Fe fyddwch angen y cyfarpar / offer cywir gyda chi ar gyfer yr amgylchiadau gorau a’r amgylchiadau gwaethaf – gall y tywydd a’r tymheredd newid yn ddramatig rhwng troed y mynydd a’r copa – gweler ein rhestr cyfarpar a argymhellir isod neu lawr lwythwch y Rhestr Cyfarpar mewn PDF.
• Gwiriwch beth yw’r rhagolygon diweddaraf ar gyfer y tywydd ar y mynydd. Gwiriwch y rhagolygon ar gyfer y tywydd ar y mynyddoedd ar gyfer Yr Wyddfa, Scafell a Ben Nevis naill ai drwy gyfrwng y Gwasanaeth Gwybodaeth Tywydd ar y Mynydd (MWIS) neu’r Swyddfa Dywydd cyn cychwyn a byddwch yn barod i droi yn ôl os bydd y tywydd yn gwaethygu. Sicrhewch fod gennych gynlluniau wrth gefn petai’r tywydd yn troi’n wael.
• Cynlluniwch y llwybrau rydych chi’n eu dewis yn ofalus a gwnewch yn siŵr bod yr her yn addas ar gyfer y grŵp cyfan. Gwnewch yn siwr bod yr Her yn gyraeddadwy yn unol â phrofiad a lefel ffitrwydd eich grŵp. Gall mynd allan i’r mynyddoedd fod yn waith caled hyd yn oed yn yr haf – heriwch eich hun ond byddwch yn ymwybodol o lefelau ffitrwydd, a phrofiad y grŵp yn gyffredinol – nid dim ond eich lefelau chi eich hun. Cynlluniwch ddigon o ddiwrnodau ymarfer cyn yr Her. Sicrhewch fod gennych fap a chwmpawd a’ch bod yn gwybod sut i’w defnyddio. Astudiwch bob llwybr yn fanwl, canfyddwch pa mor hir y dylai ei gymryd i’w cyflawni a gwnewch yn siwr eich bod yn paratoi’n dda ar gyfer yr adeg pan fydd hi’n tywyllu.

Beth fyddwch chi ei angen…